इटहरी : वेस्टर्न युनियन मनी ट्रान्सफरले आफ्नो दसैँ लक्षित “दसैँमा १० गुणा” योजनाकी विजेता, इटहरी निवासी होमादेवी पान्डेलाई नगद हस्तान्तरण गरेको छ ।
योजना अनुसार विजेताले बम्पर लक्की ड्र मार्फत प्राप्त कारोबार रकमको दश गुणा रकम जितेकी हुन् । उनले नगद पाँच लाख ५६ हजार ५५० रुपैयाँ प्राप्त गरेकी छन् ।
नेपालमा २७ वर्षभन्दा बढी समयदेखि रेमिट्यान्स सेवा प्रदान गर्दै आएको वेस्टर्न युनियनले दसैँ, तिहार र छठलाई लक्षित गरी “दसैँमा १० गुणा”अभियान शुरु गरेको थियो ।
बम्परमा प्राप्त रकमको १० गुणा बाहेक, आठ हप्तासम्म ६४ भाग्यशाली ग्राहकहरूले कारोबार रकमको दुई गुणा जित्ने मौका पनि प्राप्त गरेका थिए ।
नेपालकै पहिलो रेमिट्यान्स सेवा प्रदायक वेस्टर्न युनियन मनी ट्रान्सफरले नेपालीहरुलाई सन् १९९६ देखि विश्वका २०० भन्दा बढी देश र क्षेत्रहरूबाट पैसा प्राप्त गर्ने सेवा प्रदान गर्दै आएको छ ।
Discussion about this post