तरहरा : नेपाल रेडक्रस सोसाइटी हाँसपोसा उपशाखाले अभिमुखीकरण कार्यक्रमको आयोजना गरेको छ ।
एक कार्यक्रमको आयोजना गरी रेडक्रसले आफ्नो शाखा अन्तर्गतका २६ वटा विद्यालयहरूका जुनियर रेडक्रस सर्कलका विद्यार्थीहरूलाई अभिमुखीकरण कार्यक्रमको आयोजना गरेको हो ।
रेडक्रसको इतिहास, रेडक्रसले गर्ने कार्य, विपद्मा गर्ने सेवाजस्ता विषयमा विद्यार्थीहरूलाई अभिमुखीकरण कार्यक्रमको आयोजना गरिएको रेडक्रस हाँसपोस उपशाखाका सभापति सुमन दाहालले बताए ।
उनका अनुसार रेडक्रस हाँसपोसाले समाजमा विभिन्न सकारात्मक कार्यक्रमको आयोजना गर्दै आएको छ ।
इटहरी २० स्थित जनसयोग माविको सभाहलमा भएको उक्त कार्यक्रममा वडाध्यक्ष मणिराम श्रेष्ठ प्रमुख अतिथि थिए । प्रमुख अतिथि श्रेष्ठले रेडक्रस सेवाभावले ओतप्रोत भएको संस्था रहेको बताए ।
थरेन्द्र अधिकारीको संयोजकत्वमा सम्पन्न अभिमुखीकरण कार्यक्रममा रेडक्रसकी उपसभापति बिना भुजेलले स्वागत मन्तव्य राखेकी थिइन् भने उत्तम पौडेल र ईश्वर लम्सालले सहजीकरण गरेका थिए ।
कार्यक्रममा रेडक्रस हाँसपोसाका निवर्तमान सभापति चन्द्रकुमार गिरी, जनसहयोग मावि विद्यालय व्यवस्थापन समितिका अध्यक्ष तथा रेडक्रसका पूर्व सभापति रुद्रबहादुर बस्नेत, इटहरी उपशाखाका सभापति दिनेश भट्टराईलगायतले बोलेका थिए ।
केही दिनअघि मात्रै रेडक्रसले इटहरी १७ स्थित हरियाली बाल विकास केन्द्र र इटहरी १८ स्थित इन्द्रेणी बाल विकास केन्द्रमा रहेका कूल ८५ जना विद्यार्थीहरूलाई जाडोका लागि प्रयोग हुने स्वीटर, टोपीलगायतका शैक्षिक सामाग्री वितरण गरिएको सभापति दाहालले बताए ।
Discussion about this post