विराटनगर : विराटनगरमा आगोले जलेर घाइते भएकी वृद्धाको मंगलबार राति मृत्यु भएको छ ।
प्रहरीका अनुसार विराटनगर महानगरपालिका ६ ब्रह्मपुराकी ७० वर्षीया लक्ष्मी कामतको मृत्यु भएको हो । घरको कोठाभित्र बालेको दियोबाट ओछ्यान र कपडामा आगो सल्किँदा सोमबार राति कामत गम्भीर घाइते भएकी थिइन् ।
उनलाई उद्दार गरेर उपचारका लागि विराट नर्सिङ होम एवं विराटनगर अस्पताल भर्ना गरिएको थियो ।
चिकित्सकले शरीरको ६५ प्रतिशतभन्दा बढी भाग जलेका कारण उपचार सम्भव नहुने बताएपछि आफन्तले मंगलबार साँझ घर लिएर गएका थिए ।
घरमा लगिएकी वृद्धाको राति ८ः३० बजेतिर मृत्यु भएको मोरङ प्रहरीका प्रवक्ता डीएसपी रन्जनकुमार दाहालले जानकारी दिए ।
Discussion about this post