धनकुटा : धनकुटा साँगुरीगढी गाउपालिका ८ स्थित भरुवा बन्दुकसहित दुई जनालाई प्रहरी पक्राउ गरेको छ ।
इलाका प्रहरी कार्यालय भेडेटारबाट खटिएको प्रहरी टोलीले ढुंग्रेबाट सिन्कुला आउदै गरेको प्र १–०२–०४७ प १८८० नम्बरको मोटरसाइकललाई चेकजाँचको क्रममा पक्राउ गरेको हो ।
पक्राउ पर्नेमा सोही स्थानका ३२ वर्षीय तेजकुमार बिक र ३८ वर्षीय मानभा राई रहेका छन् । उनीहरूलाई एक नाल भरुवा बन्दुक र बारुदसहित नियन्त्रणमा लिइएको प्रहरीले जनाएको छ ।
भरुवा बन्दुकसहित पक्राउ परेका दुवैजनाको जिल्ला प्रहरी कार्यालय धनकुटाबाट थप अनुसन्धान भइरहेको प्रहरीले जनाएको छ ।
Discussion about this post