इटहरी : सुनसरीमा दुइवटा मोटरसाइकल एकापसमा ठोक्किँदा एकको मृत्यु भएको छ।
भोक्राहा नरसिंह गाउँपालिका–३ फूलचौकस्थित पूर्व–पश्चिम राजमार्गमा प्रदेश १–०२०४९ प ७२०१ नम्बरको मोटरसाइकल र विपरीत दिशाबाट आउँदै गरेको को ३७ प २२४० नम्बरको मोटरसाइकल आपसमा ठोक्किँदा दुर्घटना भएको हो।
दुर्घटनामा भारत देश अररिया जिल्लाका १९ वर्षीय मुकेश यादवको मृत्यु भएको हो।
घाइतेमध्ये सुनसरी कोशी गाउँपालिका–३ पश्चिम कुशाहाका ४० वर्षीय सकुनदेव यादव र बराहक्षेत्र नगरपालिका–११ मधुवनका २६ वर्षीय सन्तोष रजकलाई थप उपचारका लागि विराटनगरस्थित गोल्डेन अस्पताल रेफर गरिएको प्रहरीले जनाएको छ।
घटनाबारे थप अनुसन्धान भइरहेको प्रहरीले जनाएको छ।
Discussion about this post