इटहरी : धरानबाट पाँचथर जाँदै गरेको बलेरो जीप तमोर नदीमा खस्दा उद्धारमा कठिनाइ भएको छ।
कोशी प्रदेश प्रहरी प्रमुख डीआईजी ईश्वर कार्कीका अनुसार जीप सडकबाट करिब पाँच सय मिटर तल नदीमा खसेको प्रारम्भिक जानकारी छ। तीव्र बग्ने नदी र भीरालो भू–भागका कारण उद्धार सहज नभएको उनले बताए।
प्रत्यक्षदर्शीले गाडी खसेको पुष्टि गर्दै तत्काल उद्धार टोली र आवश्यक उपकरण पठाउन अनुरोध गरेका छन्।
दुर्घटना कार्तिके नजिकै भएको हो।
स्थानीय बासिन्दा र प्रहरी घटनास्थलतर्फ गएको तर अन्धकार र नदीको बहावका कारण उद्धारमा ढिलाइ हुन सक्ने अनुमान गरिएको छ। यात्रु संख्या र अवस्था बारे प्रष्ट जानकारी आउन बाँकी छ।
Discussion about this post