विराटनगर : नेपाली कांग्रेस मोरङले संगठनलाई चुस्त र सक्रिय बनाउने उद्देश्यले विभिन्न क्षेत्रमा सदस्याता आइतबार अध्यावधिक समिति गठन गरेको छ ।
केन्द्रीय समितिको निर्देशनअनुसार गठन गरिएका यी समितिलाई २०८३ साल जेठ २१ गते भित्र तोकिएको कार्य सम्पन्न गर्न निर्देशन दिइएको हो ।
मोरङ कांग्रेसका सचिव मोदराज घिमिरेका अनुसार पार्टीको संगठनात्मक संरचनालाई तल्लो तहसम्म चुस्त बनाउने योजनाअनुसार मोरङका क्षेत्र नं. ४, ५ र ६ मा सदस्यता अध्यावधिक समिति गठन गरिएको हो ।
गठन प्रक्रिया स्थानीय कार्यकर्ताबीचको परामर्श र केन्द्रीय मापदण्डका आधारमा अघि बढाइएको पार्टीले जनाएको छ ।
क्षेत्र नं. ४ को संयोजनको जिम्मेवारी भक्तिनाथ माझीलाई दिइएको छ । उनीसँगै भीम रिजाल, चेतराज बस्नेत र दुर्गा कोइराला सदस्यका रूपमा रहेका छन्।
क्षेत्र नं. ५ मा दिलीप पोखरेलको संयोजकत्वमा समिति गठन भएको छ । समितिमा पंकज वर्मा, शत्रुघन रजक र मिना मुर्मु रहेका छन् । यो समितिमा युवा र महिला सहभागितालाई समेत समेटिएको छ ।
त्यसैगरी क्षेत्र नं. ६ को नेतृत्व भुवनेश्वर मण्डलले गरेका छन् । उनीसँगै रञ्जु अधिकारी, सञ्जय मण्डल र मञ्जु रहेका छन् ।
क्षेत्र नं. २ मा मोदराज घिमिरे संयोजक तोकिएको छ भने सदस्यहरूमा तारानाथ प्रसाईं देवेन्द्र लुईटेल अन्जना अधिकारी रहेका छन् ।
क्षेत्र नं. ३ मा ललितबहादुर श्रेष्ठ संयोजक छन् भने सदस्यहरूमा भोजराज बस्नेत अनुप योन्जन सकुन्तोला सुवेदी रहेका छन् ।
Discussion about this post