इटहरी : उद्योग वाणिज्य संघ (उवासंघ) इटहरीको नयाँ नेतृत्व चयनका लागि शनिबार भएको निर्वाचनअन्तर्गत मतगणना जारी रहेको छ।
पछिल्लो मतपरिणामअनुसार महिला सदस्यतर्फ मीना आचार्य ढकाल र सुमित्रा घिमिरे भट्टराई निर्वाचित भएका छन्।
ढकालले ९५६ मत प्राप्त गर्दा भट्टराईले ६८१ मत प्राप्त गरिन्। यसैगरी पुनम थापा मगरले ६१२ मत प्राप्त गर्दा लीलाकुमारी राईले ६१० मत प्राप्त गरिन्।
उनीहरूले प्राप्त गरेको अन्तिम मतपरिणाम भने निर्वाचन समितिले सार्वजनिक गर्न बाँकी छ।
कुल दुई हजार ३६९ मतदाता रहेको उवासंघको निर्वाचनमा कुल एक हजार ५४३ मत खसेको थियो। अब अध्यक्ष र उद्योगतर्फको सदस्यको मतपरिणाम आउन बाँकी रहेको छ।
अध्यक्षका लागि नवराज काफ्ले र गायत्री कटवाल भण्डारी प्रतिस्पर्धामा छन्।
यो पनि – उवासंघ इटहरी निर्वाचन : वाणिज्य सदस्यमा नवराज काफ्लेको प्यानलै निर्वाचित
Discussion about this post