खोटाङ : खोटाङको साकेला गाउँपालिका–४ मात्तिममा तीन दाजुभाइबीच भएको झगडा ज्यान जाने घटनामा परिणत भएको छ।
झगडामा गम्भीर घाइते भएका ३५ वर्षीय ओइमानसिंह राईको उपचारका क्रममा मृत्यु भएको प्रहरीले जनाएको छ।
जिल्ला प्रहरी कार्यालय खोटाङका अनुसार असार २९ गते राति करिब ८ बजेतिर ४८ वर्षीय इमानसिंह राई, ३५ वर्षीय ओइमानसिंह राई र ३० वर्षीय टीकाबहादुर राईबीच विवाद हुँदा ओइमानसिंहको टाउको र पेटमा धारिलो हतियार प्रहार भएको थियो। गम्भीर घाइते उनलाई उपचारका लागि जिल्ला अस्पताल दिक्तेल लगिएकोमा मंगलबार मृत्यु भएको हो।
घटनामा संलग्न आरोपमा इमानसिंह र टीकाबहादुर राईलाई प्रहरीले नियन्त्रणमा लिई कर्तव्य ज्यानसम्बन्धी कसुरमा अनुसन्धान अघि बढाएको जिल्ला प्रहरी कार्यालयका सूचना अधिकारी प्रहरी निरीक्षक निराजन बस्नेतले जानकारी दिए।
घटनाको कारण खुल्न बाँकी रहेको प्रहरीले जनाएको छ।
Discussion about this post