धरान : धरानस्थित बराह बचत तथा ऋण सहकारी संस्थाको ५ अर्ब ८८ करोड रुपैयाँभन्दा बढी रकम हिनामिना प्रकरणका मुख्य योजनाकार भनिएका शिवकुमार विश्वकर्मा (लामिछाने) पक्राउ परेका छन् ।
नेपाल प्रहरीको केन्द्रीय अनुसन्धान ब्युरो (सीआईबी)ले विश्वकर्मालाई पक्राउ गरेको गृहमन्त्री सुधन गुरुङले सामाजिक सञ्जालमार्फत सार्वजनिक गरेका हुन् ।
लामो समयदेखि अनुसन्धान र कानुनी कारबाहीको प्रतीक्षामा रहेको बराह सहकारी प्रकरणमा मुख्य आरोपित पक्राउ परेको सरकारी घोषणासँगै थप अनुसन्धान र कारबाहीको प्रक्रिया अघि बढ्ने अपेक्षा गरिएको छ ।
बराह सहकारीमा बचत गरेको रकम फिर्ता नपाउँदा धरानसहित पूर्वका हजारौँ सर्वसाधारण प्रभावित छन् ।
सहकारीको ५ अर्ब ८८ करोड रुपैयाँभन्दा बढी बिगो हिनामिना भएको प्रकरणमा विश्वकर्मालाई मुख्य योजनाकारका रूपमा उल्लेख गरिएको छ ।
















Discussion about this post