सुनसरीको इटहरी र झापाबाट लागूऔषध खैरोहिरोईन ब्राउनसुगर सहित दुईजना पक्राउ परेका छन् ।
इटहरी ५ का २३ बर्षीय प्रविण राई खैरोहिरोईन ब्राउनसुगर सहित पक्राउ परेका छन् । उनलाइ हिजो अपरान्ह ५ बजे एक खाजा घरबाट नियन्त्रणमा लिईएको ईलाका प्रहरी कार्यालय इटहरीले जनाएको छ ।
राईलाई नियन्त्रणमा लिएसंगै उनिमाथी चेकजाँच गर्दै उनको कोठा समेतमा खानतलासी गर्ने क्रममा प्लाष्टिकमा पोका पारी लुकाई छिपाई राखिएको अवस्थामा ३८ ग्राम ४० मिलिग्राम खैरोहिरोईन ब्राउनसुगर फेला पारी बरामद गरिएको जिल्ला प्रहरी कार्यालय सुनसरीले जनाएको छ ।
साथै राईको साथबाट नगद १ लाख ५० हजार समेत फेला पारी बरामद गरिएको छ । उनीमाथि कारबाही अगाडि बढाईएको प्रहरीले जनाएको छ ।
त्यस्तै, भारत घर भई झापाको बिर्तामोड ९ नरियाबारीमा डेरा गरी बस्दै आएका कृष्ण राय ब्राउनसुगर सहित पक्राउ परेका छन् हिजो साझँ ६ बजे उनलाई बिर्तामोड सैनिकमोडबाट ६ ग्राम ५०० मिलीग्राम खैरोहिरोईन ब्राउनसुगर सहित पक्राउ गरिएको जिल्ला प्रहरी कार्यालय झापाले जनाएको छ ।
Discussion about this post