संखुवासभा : संखुवासभाको मादी नगरपालिका १ खोला गाउँमा एकै परिवारका ६ जनाको हत्या प्रकरणमा थप चारजनाको संलग्नता पुष्टि भएको छ ।
घटनाको अनुसन्धान गरिरहेको जिल्ला प्रहरी कार्यालय संखुवासभाले लोकबहादुर कार्कीका भाइसहित अन्य चार जनालाई पक्राउ गरी आज सार्वजनिक गर्ने तयारी गरिएको छ ।
पक्राउ परेका चार जनामध्ये दुई जना हत्या गर्ने कार्यमै संलग्न, एक जना शव व्यवस्थापन र एक जना घटना लुकाउने कार्यमा प्रत्यक्ष संलग्न भएको अनुसन्धानले देखाएको छ ।
लोकबहादुर यसअघि प्रहरीले अभियुक्त भनिएर सार्वजनिक गरिएका व्यक्ति हुन् । विभिन्न बयान र अन्य तथ्यको आधारमा थप चार जनाको संलग्नता पुष्टि भएको आधारमा सार्वजनिक गर्न लागिएको अनुसन्धानमा खटिएका संघीय प्रहरी कार्यालय धरानका प्रहरी उपरीक्षक (एसपी) भीम दाहालले जानकारी दिए।
पक्राउ परेका चार जनामध्ये दुई जना हत्या गर्ने कार्यमै संलग्न, एक जना शव व्यवस्थापन र एक जना घटना लुकाउने कार्यमा प्रत्यक्ष संलग्न भएको अनुसन्धानले देखाएको छ ।
उनीहरूको थप भूमिकाको विषयमा पत्रकार सम्मेलन गरी सार्वजनिक गरिने तयारी गरिएको प्रहरी स्रोतले जनाएको छ । साथै, लोकबहादुरको घरबाट थप शङ्कास्पद बस्तु र घटनामा प्रयोग भएको अर्को हतियार समेत बरामद भएको प्रहरी स्रोतको दाबी छ ।
प्रहरी टोलीले आइतबार लोकबहादुरको घरबाट रगत लागेका थप कपडाहरू बरामद गरेको थियो । प्रहरीले स्थानीय जनप्रतिनिधिहरूको रोहबरमा खानतलासी गरी बाकसभित्र लुकाइएका रगतको टाटो लागेका चिसा कपडाहरू बरामद गरेको जनाइएको छ ।
Discussion about this post