इटहरी : विश्व पर्यटन दिवसको अवसर पारेर इटहरीमा सचेतना कार्यक्रम गरिएको छ ।
यहाँको स्कील क्याम्पसका विद्यार्थीहरूले सचेतना कार्यक्रम गरेका हुन् । सोमबार (आज) ‘कोभिड रोकौँ, पर्यटन क्षेत्र प्रवद्र्वन गरौँ’ भन्ने अभियानसहित इटहरीका सार्वजनिक ठाउँहरूमा स्वास्थ्य सामाग्री वितरण गरिएको थियो ।
कोभिडका कारण पर्यटन व्यवसाय थिलथिलो रहेकाले यस क्षेत्रको प्रवद्र्वन गर्न आवश्यक रहेको क्याम्पसका प्रबन्ध निर्देशक प्रज्वल पराजुलीले बताए ।
‘टुरिजमसँग मोमेन्ट जोडिएको भएको र यो मोमेन्ट नै बन्द भएकाले सन्देश दिनका लागि सचेतना गरिएको हो,’ पारजुलीले भने, ‘आज वल्र्डवाइज पर्यटन दिवस परेको अवसरमा स्वास्थ्य सामाग्री पनि वितरण गरिएको थियो ।’
उनका अनुसार कोभिडलाई रोकथाम गर्नका लागि सबैभन्दा ठूलो कुरा भनेकै मास्क भएकाले इटहरीका धेरैजसो ठाउँमा मास्क समेत वितरण गरिएको हो ।
पर्यटन क्षेत्रको प्रवद्र्वनका लागि सकारात्मक सन्देश दिनका लागि उक्त कार्यक्रम गरिएको पराजुलीले बताए ।
Discussion about this post