इटहरी : नेकपा एमालेका प्रदेश सदस्य हिमाल सुवेदीमाथि कुटपिट भएपछि इटहरीका मेयर हेमकर्ण पौडेललेका दोषीलाई कारबाही गर्न माग गरेका छन् ।
नेकपा एकीकृत समाजवादीबाट इटहरी उपमहानगरपालिकाको उपमेयर पदमा उम्मेदवारी दिएका केशवकुमार विष्टका छोरा कैलाश विष्टको समूहले कुटपिट गरेको पीडित सुवेदीले पत्रकार सम्मेलन गर्दै जानकारी गराएका थिए ।
सुवेदीमाथि आक्रमण भएपछि इटहरीको पूर्व–पश्चिम राजमार्गमा एमालेका कार्यकर्ताहरूले नाराबाजीसहित प्रर्दशन समेत गरेका थिए ।
सोही विषयमा मेयर पौडेलले कुटपिट तथा आक्रमणजन्य घटना निन्दनीय भएको भन्दै दोषीलाई कारबाही गर्न माग गरेका हुन् ।
उनले भने, ‘आक्रमणप्रति घोर निन्दा गर्दै घटनाको छानबिन गरी सत्यतथ्य सार्वजनिक गरी आक्रमणकारीलाई शीर्घ कानूनी दायरामा ल्याएर कारबाही गर्न माग गर्दछु ।’
यो पनि – इटहरीमा एमाले नेता हिमाल सुवेदीमाथि कुटपिट, पूर्व–पश्चिम राजमार्ग कार्यकर्ताद्वारा अवरुद्व
भिडियो
Discussion about this post