कोसी : बजेट सम्बन्धी दुई अध्यादेश प्रमाणित

इटहरी : कोसी प्रदेश सरकारले सिफारिस गरेको बजेटसम्बन्धी दुईवटा अध्यादेश प्रदेश प्रमुख पर्शुराम खापुङले प्रमाणित गरेका हुन् ।

प्रदेश सरकारले आर्थिक वर्ष २०८०–८१ का लागि ल्याएको अध्यादेश प्रदेशसभाबाट पारित नभई भदौ १० गते स्वतः निष्क्रिय भएको थियो ।

सोही अध्यादेश पुनः मुख्यमन्त्रीमा  नियुक्त हिक्मतकुमार कार्कीले ल्याउने निर्णय शुक्रबार नै गरेको थियो । सरकारले प्रदेशलाई बजेट शून्यतामा जान नदिन बजेट सम्बन्धी अध्यादेशहरु जारी गर्ने निर्णय गरेको हो ।