विराटनगर : नेपाल क्रिकेट फाउण्डेशनको आयोजनामा विराटनगर क्रिकेट लिगको उपाधि विराटनगर क्रिकेट क्लब एण्ड एकेडेमीले जितेको छ ।
शनिबार भएको फाइनल खेलमा सिद्धार्थ स्पोर्टिङ क्लबलाई २ रनले पराजित गर्दै विराटनगरले लिगको उपाधि जितेको हो ।
उपाधिसँगै विराटनगरले नगद २५ हजार र ट्रफी हात पारेको छ भने उपविजेता सिद्धार्थले नगर १० हजार र ट्रफीमा चित्त बुझाएको छ ।
टस जितेर ब्याटिङ गरेको विराटनगरले निर्धारित २० ओभरमा ५ विकेट गुमाई १ सय ३८ रनको योगफल तयार पारेको थियो । विराटनगरका लागि सुजन थपलियाले ४७ बलमा ५ छक्का र ६ चौका प्रहार गर्दै ७२ रन जोड्दा कमल देव चौधरीले १९ रन र कृष शर्माले १५ रन जोडे । श्रवण किस्कुले २ विकेट लिँदा दिपेश कँडेल र निरज मुखियाले १–१ विकेट लिए ।
जवाफमा १ सय ३९ रनको लक्ष्य पाएको सिद्धार्थले पुरै ओभर खेल्दै ९ विकेटको नोक्सानीमा १ सय ३६ रन मान बनाउँन सक्यो ।
सिद्धार्थका रविन मण्डलले ४८ रन जोड्दा अनिल लामिछानेले ३६ रनको योगदान दिए ।
विराटनगरको कृष शर्माले ४ विकेट लिँदा रितेश झाले ३ विकेट र प्रसान्त साहले २ विकेट लिए । फाइनल खेलको म्यान अफ द म्याच विराटनगरका कृष शर्मा घोषित भए ।
प्रतियोगिताको उत्कृष्ट ब्याटर लायनका सकिव हक भए भने उत्कृष्ट बलर सिद्धार्थका दिेपेश कँडेल भए । प्लेयर अफ टुर्नामेन्ट सिद्धार्थका फिर्दोस अन्सारी भए ।
विजयी तथा अन्य खेलाडीलाई कोशी क्रिकेट संघका अध्यक्ष सर्वजितराज पाण्डे, मोरङ क्रिकेट संघका अध्यक्ष महमद वावु कुरेसी र नेपाल क्रिकेट फाउण्डेशनका अध्यक्ष अविशेक श्रेष्ठलगायतले पुरस्कार वितरण गरे ।
Discussion about this post