१० दिनदेखि बन्द रहेको तुम्लिङटार विमानस्थल सञ्चालनमा आयो

सङ्खुवासभा : प्रतिकूल मौसमका कारण १० दिनदेखि बन्द रहेको तुम्लिङटार विमानस्थल आजदेखि सञ्चालनमा आएको छ । मौसम अनुकूल भएपछि काठमाडौँ उडान भएको छ ।

सोमवारदेखि काठमाडौँ–तुम्लिङटार उडान पुनः सञ्चालन भएको नागरिक उड्ययन कार्यालयका प्रमुख नवराज दाहालले बताए । तुवाँलोका कारण ‘भिजिबिलिटी’ नहुँदा हवाई सेवा अवरुद्ध भएको थियो ।

यो विमानस्थलमा निजी क्षेत्रका विमान कम्पनीले सेवा सञ्चालन गर्दै आएका छन् ।