मोटरसाईकल दुर्घटनामा इटहरीका एक युवाको मृत्यु भएको छ ।
नेपाली सेनाका जमदार समेत रहेका इटहरी ४ का पेशल पाण्डेको सिरहामा भएको मोटरसाइकल दुर्घटनामा मृत्यु भएको हो ।
उनी नेपाली सेनाको श्री बक्स गुल्मी अर्थुङ्गे ब्यारेक म्याग्दीमा कार्यरत थिए । पूर्व–पश्चिम राजमार्गअन्तर्गत धनगढीमाई नगरपालिका–१ स्थित मेदनी पुल सडक खण्डमा आफैंले चलाएको मोटरसाइकल दुर्घटना भई उनको मृत्यु भएको प्रहरीले जनाएको छ ।
को २२ प २९४४ नम्बरको मोटरसाइकलमा पश्चिमबाट पूर्वतर्फ आउँदै गर्दा दुर्घटनामा परी गम्भीर घाइते भएका उनलाई उपचारका लागि अस्पताल लैजाने क्रममा बाटोमै मृत्यु भएको प्रहरीले जनाएको छ ।
Discussion about this post