इटहरी : प्रदेश १ सरकारले यहाँका विभिन्न चार अस्पतालहरुमा थप ५ सयको दरले २ हजार बेडको कोभिड अस्पताल सञ्चालन गर्न सिसिएमसिलाई प्रस्ताव पठाउने निर्णय गरेको छ ।
मुख्यमन्त्री शेरधन राईको अध्यक्षतामा सरकारका मन्त्रीहरु, प्रमुख जिल्ला अधिकारीहरु, सुरक्षा निकायका प्रमुहरु, निजी तथा सरकारी अस्पतालका सञ्चालकहरुसहितको बुधबारको बैठकले यस्तो निर्णय गरेको हो । कोभिड १९ को नयाँ भेरियन्ट तीब्रदरमा फैलिइरहेकोले रोकथाम नियन्त्रण तथा उपचारलाई प्रभावकारी बनाउन प्रदेश स्तरीय कोरोना भाइरस सङ्कट व्यवस्थापन समितिले यस्तो निर्णय गरेको जनाएको छ ।
धरानको वीपी कोइराला स्वास्थ्य विज्ञान प्रतिष्ठान, विराटनगरको विराट मेडिकल कलेज शिक्षण अस्पताल, नोबेल मेडिकल कलेज शिक्षण अस्पताल र झापाको विर्तामोडस्थित वीएण्डसी अस्पताललाई कम्तिमा ५००।५०० वेड क्षमताको डेडिकेटेड कोभिड अस्पताल बनाउन प्रस्ताव गरेर पठाउने निर्णय भएको छ ।
Discussion about this post