झापा : झापामा दुईवटा मोटरसाइकल जुध्दा एक जनाको मृत्यु भएको छ ।
कचनकवल गाउँपालिका ६ मा पूर्वतर्फ आउँदै गरेको मे १० प ५२८९ नम्बरको मोटरसाइकल र विपरीत दिशातर्फ जाँदै गरेको मे ८ प २१३७ नम्बरको मोटरसाइकल सोमबार राति एक आपसमा जुध्दा दुर्घटना भएको हो । पूर्व क्षेत्रीय ट्राफिक प्रहरी कार्यालय इटहरीका अनुसार दुर्घटनामा ५२८९ नम्बरको मोटरसाइकलका चालक ३७ वर्षीय सोम दाहालको मृत्यु भएको हो ।
दुर्घटनामा परेर गम्भीर घाइते भएका उनको उपचारका क्रममा राति ९ बजेतिर झापाको बि एन्ड सी अस्पतालमा मृत्यु भएको प्रहरीले जनाएको छ । दुर्घटनामा अर्को मोटरसाइकलमा सवार २६ वर्षीय करण राजवंशी र १८ वर्षीया जयामति राजवंशी गम्भीर घाइते भएका छन् । उनीहरुको उपचार भइरहेको प्रहरीले जनाएको छ ।
Discussion about this post