झापा : झापामा भिन्नाभिन्नै दुर्घटनामा दुईजनाको मृत्यु भएको छ ।
पूर्व क्षेत्रीय ट्राफिक प्रहरी कार्यालय इटहरीका अनुसार तीव्र गतिमा दक्षिणबाट उत्तरतर्फ जाँदै गरेको ज ५ प १७३० नम्बरको मोटरसाइकलले ठक्कर दिँदा मेचीनगर नगरपालिका ९ झोडास्थित भित्री सडक खण्डमा पैदल यात्रीको मृत्यु भएको छ ।
मोटरसाइकलले राति ८ः५० बजेतिर ठक्कर दिँदा मेचीनगर ९ का ५४ वर्षीय कर्णबहादुर खड्काको मृत्यु भएको प्रहरीले जनाएको छ ।
प्रहरीले मोटरसाइकल र चालक २३ वर्षीय रञ्जित प्रधानलाई नियन्त्रणमा लिएर घटनाको अनुसन्धान थालेको छ ।
यस्तै, झापाको बाह्रदशी गाउँपालिका ६ साधुकुटी नजिक मोटरसाइकल अनियन्त्रित भएर दुर्घटना हुँदा एकजनाको मृत्यु भएको छ ।
प्रहरीका अनुसार उत्तरतर्फ जाँदै गरेको प्रदेश १–०१–०१४ प ९५३९ नम्बरको मोटरसाइकल आफै अनियन्त्रित भएर दुर्घटनामा परेको हो ।
दुर्घटनामा परेर मोटरसाइकल चालक बिर्तामोड नगरपालिका ६ का २० वर्षीय अभिषेक सुन्दासको मृत्यु भएको छ ।
दुर्घटनामा मोटरसाइकलको पछाडि सवार बिर्तामोड ६ का १८ वर्षीय धनु राजवंशी घाइते भएका छन् । मादक पदार्थ सेवन गरेर तीव्र गतिमा मोटरसाइकल चलाउँदा दुर्घटना भएको प्रहरीले जनाएको छ ।
घटनाबारे थप अनुसन्धान भइरहेको प्रहरीले जनाएको छ ।
Discussion about this post