झापा : झापामा एउटा हात्ती मृत फेला परेको छ । चारकोशे जलथल जंगलदेखि दुई किलोमिटर दक्षिण कचनकवल गाउँपालिका १ घेरावारि निवासी गङ्गा दाहालको धान खेतमा वयस्क भाले हात्ती मृत अवस्थामा फेला परेको जिल्ला प्रहरी कार्यालय झापाले जनाएको छ ।
मृत फेला परेको हात्तीको दाह्रा नरहेको कचनकवल–१ का वडा अध्यक्ष महावीर लिम्बू रञ्जितले जानकारी दिएका छन् । हात्तीको शरीरमा चोटपटक नदेखिए पनि दाह्रा छैन उनले भने हात्तीको पेट सुन्निएको छ । दाह्रा पनि छैन ।
डिभिजन वन कार्यालयको टोली आएर पोस्टमार्टम गरिरहेको र त्यसपछि खाल्डो खनेर अन्त्येष्टि गरिने उनले बताएका छन् । यसअघि पनि जलथल जंगलमा हात्ती मृत फेला परेको थियो।
सो जंगलमा एक दर्जन बढि हात्ती बस्दै आएका छन् । हात्ती नियन्त्रणका लागि सौर्य विद्युती तारबार लगाइए पनि सो जंगलबाट हात्ती गाउँघर पसेर क्षति पुर्याउँदा स्थानीय त्रसित छन् ।
Discussion about this post