मोरङ : मोरङको उर्लाबारी निवासी कलाकार तथा प्राविधिक श्याम गिरीको ९ महिनाको छोरा डेङ्गु र निमोनिया पीडित शुभम गिरीलाई मोरङ क्षेत्र नम्बर ३ प्रतिनिधिसभा सदस्यका उम्मेदवार डा. सुनील शर्माको सहयोगमा नोबेल अस्पतालले निःशुल्क उपचार गर्ने भएको छ ।
नेपाल चलचित्रकर्मी महासंघ प्रदेश १ को आव्हानमा उपचार निःशुल्क भएको हो । डेङ्गु र निमोनिया लागेर उर्लाबारीको अस्पतालमा उपचार सम्भव नभएपछि विराटनगरको नोबेल अस्पतालमा भर्ना गरिएको थियो ।
आर्थिक अवस्था दयनीय भएका कारण उपचारमा खर्च अभावले पीडित परिवारले आर्थिक सहयोगको अपिल गरेको थियो ।
बिरामीको अवस्था सिकिस्त भएपपछि केहि कलाकारहरूले आर्थिक सहयोग समेत जुटाइरहेको अवस्थामा नोबेल हस्पिटलले उपचारको सम्पूर्ण जिम्मा लिएको हो ।
बिरामीका बुवाले सामाजिक सञ्जालमा सहयोगको अपिल गरेको कुरा देखेपछि नेपाल चलचित्रकर्मी महासंघ प्रदेश १ का अध्यक्ष अरुणकुमार प्रधानले सहयोगको लागि डा. सुनील शर्माको सचिवालयमा निःशुल्क सहयोगको लागि अपिल गरेका थिए ।
जानकारी पाएपछि डा. शर्माले आफ्नो क्षेत्रभन्दा बाहिरको बिरामी भएपनि सामाजिक उत्तरदायित्व अन्तरगत सेवाको भावले सहयोग गरेको जानकारी दिए ।
Discussion about this post