झापा : झापा १ मा प्रतिनिधिसभा सदस्यतर्फ सत्तागठबन्धनबाट उम्मेदवार बनेका नेपाली कांग्रेसका महामन्त्री विश्वप्रकाश शर्मा निर्वाचित भएका छन् ।
शर्माले ३९ हजार ६२४ मत प्राप्त गर्दै विजयी भएका छन् भने उनका निकटतम प्रतिद्वन्द्वी नेकपा एमालेका अग्नि खरेलले २५ हजार ३४९ मत पाए ।
शर्माले १४ हजार २७५ मतान्तरले जितेका छन् । यो क्षेत्रमा ०७४ सालको निर्वाचन वामगठबन्धनका उम्मेदवार नेकपा माओवादी केन्द्रका राम कार्की निर्वाचित भएका थिए ।
शर्मा ०७० सालको संविधानसभा निर्वाचनमा नेकपा एमालेका रविन कोइरालासँग पराजित बनेका थिए । उनले तेस्रोपटकको प्रयासमा जीत निकालेका हुन् ।
Discussion about this post