इटहरी : सुनसरीको इनरुवा नगरपालिका–४ बसचोकस्थित अस्थायी प्रहरी पोस्ट बसपार्क क्षेत्रमा प्रहरीले लागूऔषध ब्राउनसुगरसहित तीन जनालाई पक्राउ गरेको छ।
बिहीबार राति करिब ८ः१५ बजेतिर अस्थायी प्रहरी पोस्ट बसपार्क इनरुवा र जिल्ला प्रहरी कार्यालय सुनसरीबाट खटिएको संयुक्त प्रहरी टोलीले पश्चिमबाट पूर्वतर्फ पैदल हिँडिरहेका तीन जनालाई शंका लागेर चेकजाँच गरेको थियो।
चेकजाँचका क्रममा इटहरी उपमहानगरपालिका–२ बस्ने १८ वर्षीया पुष्पा प्रधानले हातमा बोकेको प्लास्टिकको पोकाभित्र लागूऔषध ब्राउनसुगर ६ दशमलव ९७ ग्राम फेला परेको प्रहरीले जनाएको छ।
घटनामा प्रधानसहित इटहरी–२ का २६ वर्षीय संजोग राई र २८ वर्षीय जितबहादुर राईलाई नियन्त्रणमा लिई जिल्ला प्रहरी कार्यालय सुनसरीमा राखेर थप अनुसन्धान भइरहेको प्रहरीले जनाएको छ।
Discussion about this post