धरान : जीवन विकास लघुवित्त वित्तीय संस्थाद्वारा धरानका अति विपन्न पाँच जना विद्यार्थीलाई छात्रवृत्ति प्रदान गरेको छ । एक वर्षभरीका लागि पाठ्यक्रमसहित छात्रवृत्ति प्रदान गरिएको हो ।
धरान शाखाले घर–घरमा उधम फैलाऔँ, गरिबीलाई शून्य बनाऔँ भन्ने सन्देशका साथ साक्षरता गोष्ठी समेत आयोजना गरेको छ ।
‘शिक्षा नै जीवन परिवर्तनको मूल आधार हो, शिक्षाको उज्यालो घामबाट कोही पनि बञ्चित हुनुनपरोस्’ भन्ने अभिप्रायले जीवन विकासले ती छनौटमा परेका ५ विद्यार्थीहरुलाई छात्रवृत्ति प्रदान गरेको हो ।
छात्रवृत्ति प्राप्त गर्ने विद्यार्थीहरूमा मनिष लिम्बू, राघिनी लम्जेल, एलिसा राई, प्राशा कुलुङ राई र विनय राई रहेका छन् । उनीहरूलाई संस्थाका प्रमुख कार्यकारी अधिकृत दामोदर रेग्मी र कार्यक्रमका प्रमुख अतिथि एवं धरान उपमहानगरपालिकाका उपमेयर आइन्द्र विक्रम वेघाले पाठ्यक्रमका सामाग्री हस्तान्तरण गरे ।
धरान शाखा प्रमुख राजेश कुमार मण्डलका अनुसार अन्य शाखाले पनि यो किसिमको कार्यक्रम आयोजना गर्दै आएको छ ।
संस्थाले हाल २४ करोड ६८ लाख ३५ हजार ९ सय ४३ लगानी गरेको उनले बताए । जसअन्तर्गत १२ करोड १२ लाख बचत रहेको र नेपालभरी ३ लाख ४४ हजार घरपरिवारले सेवा पाइरहेको उनको भनाइ छ । उनका अनुसार धरान शाखामा ३ हजार ३ सय ९० जना सेयर तथा सदस्य रहेका छन् । सं
कार्यक्रममा जीवन विकास बित्तीय संस्थाका केन्द्रीय बित्त विभाग प्रमुख केन्द्रीय कार्यालय कटहरी मोरङका प्रमुख अजयकुमार मन्डलले २४ जिल्लामा सेवा प्रवाह गर्दै हाल देशभर संस्थाका १५९ शाखा, ८ सय ९८ सदस्य, २ लाख १८ हजार १६ ऋणि र कूल बचत र कुल बचत १० अर्ब ९ लाख ७६ हजार २ सय १९ रहेको बताए ।
यस्तै, देशभर २३ अर्ब ५४ करोड ८२ लाख २४ हजार ५ सय रुपैयाँ ऋण प्रवाह गरिएको उनको भनाइ छ ।
कार्यक्रममा धरान उपमहानगरपालिकाका उपमेयर आइन्द्र विक्रम वेघाले अहिले धरानमा मेयर र कार्यपालिका सदस्यबीच भइरहेको असहज परिस्थितिलाई घुमाउरो लक्षित गर्दै वित्तीय संस्थाहरू नीति र विधानअनुसार चल्नुपर्ने बताए ।
यस्तै, वित्तीय संस्थाका सदस्य झर्ना विश्वकर्मा, पुनम रोमु राई लगायतले बोलेका थिए ।
इलाका प्रहरी कार्यालय धरानका प्रमुख डीएसपी नवराज मल्ल, धरान १ का वडाध्यक्ष यज्ञमणि आचार्य, धरान ४ का वडाध्यक्ष धनबहादुर राई लगायतको उपस्थिति थियो ।
Discussion about this post