इटहरी : झापा र मोरङको छुट्टाछुट्टै स्थानहरूबाट मोटरसाइकल चोरीमा संलग्न सातजनालाई प्रहरीले पक्राउ गरेको छ ।
झापाको कनकाई नगरपालिका ३ र ४ स्थितमा चोरीको मोटरसाइकलहरू रहेको भन्ने गोप्य सूचनाको आधारमा इलाका प्रहरी कार्यालय सुरुङ्गाबाट खटिएको प्रहरीको टोलीले पाँचजनालाई पक्राउ गरेको हो ।
पक्राउ पर्नेहरूमा कनकाई ४ का १८ वर्षीय प्रियंक कँडेल, २१ वर्षीय कृष्ण घिमिरे, १८ वर्षीय नवीन बस्नेत, १५ वर्षीय बालक र कनकाई ३ का १८ वर्षीय सम्रिक चुडाल रहेका छन् ।
उनीहरूलाई मेची ९ प ६४६१ नम्बरको र प्रदेश ३-०२-००९ प ५२२१ नम्बरको मोटरसाइकलसहित प्रहरीले नियन्त्रणमा लिएको हो ।
यता, विराटनगर महानगरपालिका ७ बाट प्रदेश १-०२-०४४ प ७०२९ र कोशी १८ प ८८६८ नम्बरको विभिन्न कम्पनीको मोटरसाइकल चोरीमा संलग्न भारत बिहारका २० वर्षीय साजिद रजा र २८ वर्षीय एहसान सेखलाई पक्राउ परेको हो ।
पक्राउ परेका उनीहरूको सम्बन्धमा सम्बन्धित प्रहरी कार्यालयहरूबाट थप अनुसन्धान भइरहेको प्रहरीले जनाएको छ ।
Discussion about this post