सुनसरी : सुनसरी जिल्लाको विभिन्न स्थानहरूबाट लागूऔषधसहित पाँच जनालाई प्रहरीले पक्राउ गरेको छ ।
लागूऔषध कारोबार भइरहेको भन्ने विशेष सूचनाको आधारमा अस्थायी प्रहरी पोष्ट बरगाछी र अस्थायी प्रहरी पोष्ट तीनकुनेबाट खटिएको प्रहरी टोलीले धरान उपमहानगरपालिका १५ का हर्कबहादुर तामाङको घर कोठा खानतलासी गर्दा कोठामा लागूऔषध ट्रामाटोल र स्पासपेन गरी जम्मा चार हजार दुई सय ५० क्याप्सुल फेला पारेको हो ।
उक्त परिमाणको लागूऔषध फेला परेसँगै घर धनी तामाङ, उनको ३१ वर्षीया छोरी काजल तामाङ (लिम्बू) र धरान ७ का २२ वर्षीय एलेन राईलाई नियन्त्रणमा लिएको छ ।
यसैगरी इलाका प्रहरी कार्यालय धरानले ट्रामाटोल र स्पासपेन ६ सय क्याप्सुलसहित धनकुटा साँगुरीगढी गाउँपालिका ७ का २५ वर्षीय राजकुमार राईलाई र इलाका प्रहरी कार्यालय भाण्टाबारीले सप्तरी कन्चनपुरका ३८ वर्षीय राजकुमार साहलाई स्पास्मो २४ क्याप्सुल, नेपाली रुपैँया ९७ हजार ८ सयसहित नियन्त्रणमा लिएको छ ।
लागूऔषधसहित पक्राउ परेका उनीहरूको सम्बन्धमा थप अनुसन्धान भइरहेको प्रहरीले छ ।
Discussion about this post