इटहरी : इटहरी उपमहानगरपालिकाका नगर प्रहरीको निधन भएपछि आज शोक बिदा दिइएको छ ।
नगर प्रहरी ५१ वर्षीय जमदार राजकुमार तामाङको हृदयघातका कारण निधन भएपछि शुक्रवार (आज) नगर क्षेत्र मातहतका कार्यालयमा शोक बिदा दिइएको हो ।
वि.सं. २०५६ सालमा तामाङ वारुणयन्त्रको सिपाही पदमा नियुक्त भएका थिए ।
उनी हाल जमदार पदमा कार्यरत रहेका थिए । प्रेसरका दीर्घ रोगी रहेका उनको जेठ १३ गते उपचारको क्रममा विराट टिचिङ अस्पतालमा निधन भएको हो ।
तामाङको निधनप्रति मेयर हेमकर्ण पौडेलले दुःख व्यक्त गरेका छन् ।
‘उहाँ सधैं जिम्मेवार, कर्मनिष्ठ र इमानदार कर्मचारीका रूपमा परिचित हुनुहुन्थ्यो। नगरको सुरक्षाको अग्रपंक्तिमा रही, विपद् व्यवस्थापन र आगलागी नियन्त्रणमा उहाँको भूमिका अतुलनीय रह्यो। उहाँको योगदान इटहरीको इतिहासमा सदैव स्मरणीय रहनेछ,’ मेयर पौडेलले भनेका छन्, ‘उहाँप्रति गहिरो श्रद्धाञ्जली अर्पण गर्दै, दिवंगत आत्माको चिर शान्तिको कामना गर्दछु। यस दुःखद घडीमा उहाँका शोकसन्तप्त परिवारजनप्रति इटहरी उपमहानगरपालिका परिवारको तर्फबाट गहिरो समवेदना प्रकट गर्दछु।’
Discussion about this post