झापा : झापाको मेचीनगरस्थित सहरेडाँगीमा स्कारपियो गाडीको ठक्करबाट एक जना पैदलयात्रीको मृत्यु भएको छ। मृतकको सनाखत हुन सकेको छैन।
आइतबार साँझ साढे ७ बजे मेचीनगर नगरपालिका–१२ स्थित मेची राजमार्गमा इलामबाट चारआलीतर्फ आउँदै गरेको मे १ च ६१३१ नम्बरको स्कारपियोले ती पैदल यात्रीलाई ठक्कर दिएको थियो।
गम्भीर घाइते भएका उनलाई उपचारका लागि बीएण्डसी अस्पताल लगिएकोमा चिकित्सकले मृत घोषणा गरेका थिए।
४५–४६ वर्ष उमेरका ती मृतकको नाम, थर र वतन खुलेको छैन। घटनापछि स्कारपियो चालक हल्दिबारी गाउँपालिका–१ निवासी ४८ वर्षीय गजेन्द्रबहादुर बिस्टलाई नियन्त्रणमा लिएको छ।
उनीमाथि थप अनुसन्धान भइरहेको जिल्ला प्रहरी कार्यालय झापाले जनाएको छ ।
Discussion about this post