झापा : झापाको कन्काई नगरपालिका–३, सुरुङ्गास्थित टेम्पु स्ट्यान्डबाट लागूऔषध ब्राउनसुगरसहित दुई जना पक्राउ परेका छन्।
इलाका प्रहरी कार्यालय सुरुङ्गाबाट खटिएको विशेष प्रहरी टोलीले चेकजाँचका क्रममा ३ सय ग्राम ब्राउनसुगरसहित २६ वर्षीय बिनोद बिक र २४ वर्षीया प्रेमकला महतोलाई नियन्त्रणमा लिएको हो।
पक्राउ परेका बिक सिन्धुलीको भीमान नगरपालिका–१० का बासिन्दा हुन् भने महतो झापाको झापा गाउँपालिका–३ की हुन्।
प्रहरीले विशेष सूचनाका आधारमा सुरुङ्गा टेम्पु स्टेण्ड क्षेत्रमा निगरानी बढाउँदै जाँचका क्रममा उनीहरूलाई लागूऔषधसहित फेला पारेको जनाएको छ।
हाल दुवैलाई इलाका प्रहरी कार्यालय अनारमनीमा राखेर थप अनुसन्धान भइरहेको प्रहरीले जनाएको छ।
Discussion about this post