इटहरी : धरानस्थित बीपी कोइराला स्वास्थ्य विज्ञान प्रतिष्ठानमा नवनियुक्त उपकुलपति प्रा.डा. विक्रमप्रसाद श्रेष्ठले कार्यभार सम्हालेका छन् ।
हाडजोर्नी विभागका प्राध्यापक श्रेष्ठले शुक्रबार कार्यभार सम्हालेका हुन् ।
नेपाल सरकारको प्रधानमन्त्री तथा मन्त्रिपरिषद्को कार्यालयबाट २०८२ साउन २७ गतेको पत्रअनुसार प्रतिष्ठान ऐन, २०४९ को दफा ११ ख (१) बमोजिम उनी ५ वर्षको कार्यकालका लागि नियुक्त भएका हुन्।
उनी आज प्रतिष्ठानमा पदभार ग्रहण गर्न उपस्थित हुँदा प्रतिष्ठान परिवारका पदाधिकारी, शिक्षक, चिकित्सक, विद्यार्थी, स्थानीय बुद्धिजीवी, समाजका अगुवा तथा पत्रकारहरूले फूल, माला, अविर र खादाले स्वागत गरेका थिए।
धरान स्थायी निवासी डा. श्रेष्ठ यसअघि प्रतिष्ठानका शिक्षाध्यक्ष तथा हाडजोर्नी विभागका प्रमुखका रूपमा जिम्मेवारी सम्हालिसकेका छन्।
निवर्तमान उपकुलपति डा. ज्ञानेन्द्र गिरीको कार्यकाल २०८१ चैत २६ मा समाप्त भएपछि प्रतिष्ठानका शिक्षाध्यक्ष प्रा.डा. सञ्जीव कुमार शर्माले निमित्त उपकुलपतिका रूपमा कार्यभार सम्हाल्दै आएका थिए।
Discussion about this post