इलाममा पहिरोका कारण ३७ जनाको मृत्यु, २३ जनाको पहिचान खुल्यो

इलाम : अविरल वर्षासँगै आएको पहिरोका कारण इलाममा हालसम्म ३७ जनाको ज्यान गएको छ भने ८ जना घाइते भएका छन्।

जिल्लाको सूर्योदय नगरपालिकामा ५, इलाम नगरपालिकामा ६, सन्दकपुर गाउँपालिकामा ६, माइसेबुङ गाउँपालिकामा ३, देउमाई नगरपालिकामा ८, माईजोगमाई गाउँपालिकामा ८ र फाकफोकथुम गाउँपालिकामा १ जनाको मृत्यु भएको जिल्ला प्रशासन कार्यालय इलामले जनाएको छ।

त्यसैगरी इलाम नगरपालिकामा १ जना बेपत्ता भएका छन् भने अन्य विभिन्न स्थानीय तहमा घाइतेहरूमध्ये ८ जनाको उपचार भइरहेको छ।

मृतक ३७ जनामध्ये हालसम्म २३ जनाको सनाखत भएको छ ।

सनाखत भएका मृतकहरूको विवरण :

१. रोशन लिम्बु, २२ वर्ष (देउमाई नगरपालिका–५)

२. बेबिसा राई , २२ वर्ष (देउमाई नगरपालिका–५)

३. कृष्णमाया लिम्बु, ५७ वर्ष (माङसेबुङ गाउँपालिका–१)

४. माया लिम्बु, ५० वर्ष (माङसेबुङ गाउँपालिका–१)

५. नेहा राई, १७ वर्ष (पाँचथर मिम्लाजुङ घर, माङसेवुङमा मृत्यु)

६. मनमाया क्षेत्री, ६५ वर्ष (सुर्योदय नगरपालिका–१ मानेभञ्ज्याङ)

७. रस्मिका क्षेत्री, १० वर्ष (मानेभञ्ज्याङ)

८. दीप बस्नेत, ४५ वर्ष (दोलखा घर, मानेभञ्ज्याङमा मृत्यु)

९. भवानी बस्नेत, २२ वर्ष (दोलखा घर, मानेभञ्ज्याङमा मृत्यु)

१०. दिव्या बस्नेत, १२ वर्ष (दोलखा घर, मानेभञ्ज्याङमा मृत्यु)

११. सुरेश लिम्बु, २८ वर्ष (फाकफोकथुम गाउँपालिका–३)

१२. दीपक लिम्बु, ३० वर्ष (देउमाई नगरपालिका–५)

१३. ऋषिका लिम्बु, २७ वर्ष (देउमाई नगरपालिका–५)

१४. दिपिस्का लिम्बु, १० वर्ष ( देउमाई नगरपालिका–५)

१५. सौजन लिम्बु, ९ वर्ष (पाँचथर घर, देउमाई नपा–५ मा मृत्यु)

१६. सौगात लिम्बु, ११ वर्ष (पाँचथर घर, देउमाई नपा–५ मा मृत्यु)

१७. समीर देउजाली, २२ वर्ष (इलाम नगरपालिका–५ घोष, वडा नम्बर–६ मा मृत्यु)

१८. प्रवीण तामाङ, २३ वर्ष (इलाम नपा–७ घर, घोष गाउँमा मृत्यु)

१९. बिराज पाख्रिन तामाङ, २३ वर्ष (इलाम नपा–८ घर, घोष गाउँमा मृत्यु)

२०. अनु तामाङ, ३२ वर्ष (झापा अर्जुनधारा घर, घोष गाउँमा मृत्यु)

२१. प्रिन्सिका मगर, ८ वर्ष (माई नगरपालिका–५ घर, घोष गाउँमा मृत्यु)

२२. आवास दनुवार, ३ वर्ष (झापा अर्जुनधारा घर, घोष गाउँमा मृत्यु)

२३. कृष्ण मगर, २८ वर्ष (देउमाई नगरपालिका–३ लक्ष्मी बोटे)