इटहरी : सामाजिक सञ्जाल टिकटकमा हातहतियार बोकेको भिडियो पोस्ट भएको घटनापछि प्रहरीले अनुसन्धान गर्दै दुई किशोरलाई नियन्त्रणमा लिएको छ।
जिल्ला प्रहरी कार्यालय सुनसरीका अनुसार सोमबार साँझ ६ः५० बजेतिर भिडियोमा देखिएका व्यक्तिको पहिचान गरी सुनसरीको देवानगंज गाउँपालिका–२ बस्ने १७ वर्ष र १५ वर्षका दुई जनालाई नियन्त्रणमा लिइएको हो।
प्रहरीले पक्राउ परेका दुवै जनाको पहिचान सार्वजनिक गरेको छैन।
प्रहरीले उनीहरूको साथबाट फलामबाट बनाइएको घरेलु हतियार ‘कटुवा पेस्तोल’ जस्तो देखिने वस्तु समेत बरामद गरेको जनाएको छ।
बरामद हतियार र दुवै किशोरलाई जिल्ला प्रहरी कार्यालय सुनसरीमा राखी घटनाबारे थप अनुसन्धान भइरहेको प्रहरीले जनाएको छ।
Discussion about this post