प्रदेश १ का बिभिन्न स्थानहरुमा सोमबार भएको सवारी दुर्घटनामा परी ५ जनाको मृत्यु भएको छ ।
मोरङको ग्रामथान गाउँपालिका १ मा को १ त ८८१३ नम्बरको ट्याक्टर अनियन्त्रित भई दुर्घटना हुँदा सोही ट्याक्टरका सह–चालक बुढीगंगा गाउँपालिका १ का ४० बर्षीय गुरुचन ऋषिदेवको घटनास्थलमा नै मृत्यु भएको हो ।
यस्तै, मोरङकै बिराटनगर महानगरपालिका ९ मा मोटरसाईकल दुर्घटना हुँदा १ जनाको मृत्यु भएको छ ।
को १२ प ३६५ नम्बरको मोटरसाईकल बुद्धचोकमा अचानक दुर्घटना हुँदा मोटरसाईकलमा सवार रहेकी बिराटनगर १५ की ६० बर्षीया मनकामना झा घाईते भएकी थिईन् । उनको उपचारको क्रममा न्यूरो अस्पतालमा मृत्यु भएको प्रहरीले जनाएको छ ।
यस्तै झापाको दमक नगरपालिका ४ तारावारीमा मे १ त ६१९६ नम्बरको ट्याक्टरले स्थानीय तुलसी धिमालको ८ बर्षीय छोरा जेनिस धिमाललाई ठक्कर दिंदा बालक घाईते भएका थिए ।
घाईते भएका बालकलाई उपचारको लागी अरनिको अस्पतालमा उपचारको क्रममा मृत्यु भएको ईलाका प्रहरी कार्यालय दमकले जनाएको छ ।
यसैगरी ईलामको फाकफोकथुम गाउँपालिका ५ थुम्का भिरमा तरकारी बोकेको पिकअप दुर्घटनामा हुँदा २ जनाको घटनास्थलमा नै मृत्यु भएको छ ।
पाँचथरको रवीबाट तरकारी बोकेर ईलाम जाँदै गरेको को २ च १५ नम्बरको पिकअप आफैँ अनियन्त्रित भई थुम्का भीरबाट अन्दाजी ५ सय मिटर तल खसेर दुर्घटना हुँदा माई नगरपालिका ९ का ४० बर्षीय दिनेश लिम्बु र ईलाम नगरपालिका ११ का ३० बर्षीय नवीन तामाङको घटनास्थलमा नै मृत्यु भएको जिल्ला प्रहरी कार्यालय ईलामले जनाएको छ ।
Discussion about this post