सुनसरी जिल्लालाई सडक मानवमुक्त बनाउँन इटहरीमा कार्यक्रमको आयोजना गरिने भएको छ ।
पुष १० गते इटहरीमा बृहत कार्यक्रम आयोजना गरिने भएको हो । प्रदेश सरकारले प्रदेश १ लाई सडक मानवमुक्त बनाउँने अभियान अन्र्तगत कार्यक्रम गर्न लागिएको हो ।
इटहरी उपमहानगरकी उपप्रमुख लक्ष्मी गौतमका अनुसार प्रदेश सरकार सामाजिक विकास मन्त्रालय सुनसरीका स्थानीय पालिकाहरु र मावन सेवा आश्रमको सहकार्यमा सुनसरीलाई सडक मानवमुक्त बनाउँन लागिएको हो ।
शुभारम्भ पार्टी प्यालेस इटहरीमा हुने कार्यक्रममा सुनसरीका १२ वटै पालिकाका सडक मानवहरुलाई भेला गराएर नुहाइदिने, केश काटिदिने र नयाँ लुगा प्रदान गरेर सहभोजको कार्यक्रम रहेको बताइएको छ ।
उपप्रमुख गौतमका अनुसार सहभोजमा सामाजिक विकास मन्त्री जीवन घिमिरे, सुनसरीका १२ वटै स्थानीय तहका प्रमुख उपप्रमुखको सहभागिता रहने छ ।
कार्यक्रमको ब्यवस्थापन इटहरी उपमहानगरले गर्ने छ । कार्यक्रमपछि सडक मानवहरुलाई मानव सेवा आश्रम विराटनगरमा राखिने जनाईएको छ ।
Discussion about this post