धरान : लोकप्रिय गंगा बरदानले १८ वर्षपछि नयाँ गीत सार्वजनिक गरेका छन् ।
उनले आफ्नो नयाँ गीत धराने हावा तोङ्गबाको पानीलाई युट्युब मार्फत सार्वजनिक गरेका हुन् । विभिन्न सांगीतिक कार्यक्रमहरुमा श्रोता, दर्शकहरुले मनपराएको उनको यो नयाँ गीत अहिले लिरिकल भिडियोको रुपमा रिलिज गरिएको हो ।
२०२५ सालमा भोजपुरको दिङ्गलामा आयोजित जिल्लाब्यापी लोकगीत प्रतियोगितामा आफ्नै संकलनमा दाई त काले भाई पनि काले गीत गाएर गंगा वरदान प्रथम भएका थिए । २०३५ सालमा रेडियो नेपालमा कहाँमा काट्यो बेतको लौरी आफ्नै शब्द, संगीत र स्वरमा रेकर्ड गरेका थिए।
हाइकिङ्ग बाबाको रुपमा परिचित सेवक अभियानका अभियानकर्ता राजिव हलवाईको रचना तथा बरदानकै संगीत रहेको यो गीतमा सृजन नेपालको संगीत संयोजन तथा मिक्सिङ्ग रहेको छ ।
भिडियो
Discussion about this post