इटहरी : होटल व्यवसायी संघ इटहरीको अध्यक्षमा जीवन पराजुली निर्विरोध निर्वाचित भएका छन् । आज भएको होटल व्यवसायी संघको अधिवेशनबाट पुनः अध्यक्षमा पराजुली चुनिएका हुन् ।
उता, बिहीबार नै होटल तथा लज व्यवसायी संघमा उमेश दहाल अध्यक्षमा चयन भएका छन् ।
पराजुली नेतृत्व टिमको बरिष्ठ उपाध्यक्षमा नवराज काफ्ले, उपाध्यक्षहरु प्रकाश महतो, पुनम थापामगर र कृष्ण निरौला रहेका छन् । महासचिवमा जयप्रकाश उपाध्याय, सचिवमा आरोन कार्की, कोषाध्यक्षमा बाबुराम गिरी र सह कोषाध्यक्षमा टीकाबहादुर कटुवाल रहेका छन् ।
त्यस्तै सदस्यहरुमा रुपा कार्की, दामोदर बिडारी, नवीन चौधरी, शिव तामाङ, विनोद गुरुङ, कृष्ण पराजुली, राजु श्रेष्ठ, विशाल प्रधान, प्रमोद थापा, ख्याम राज राई, खेमराज घिमिरे र गंगा बहादुर पुरी निर्वाचित भएका छन् ।
उता, दाहालको नेतृत्वको वरिष्ठ उपाध्यक्षमा राम कार्की, प्रथम उपाध्यक्षमा कैलाश विष्ट, द्वितीय उपाध्यक्षमा प्रीतिमाया सुनवार, महासचिव दीपक पोख्रेल, कोषाध्यक्ष राजन बस्नेत, सह–कोषाध्यक्ष रूपेस दाहाल र सचिवमा बिनोद कार्कि रहेका छन ।
त्यसैगरी समितिको सदस्यहरूमा दुर्गा थापा, केशव गिरी, धनमाया श्रेष्ठ, किशोर ढकाल, छत्र तिम्सिना, मोहन श्रेष्ठ, पूर्ण लिम्बु र भेषराज बराल रहेका छन् ।
२०६५ सालमा होटल व्यवसाय संघमा मर्ज हुन पुगेको थियो । होटल तथा लज व्यवसायी संघलाई होटल व्यवसायी संघमा मर्च गर्ने अनुरोध थापा हुन् । उनी होटल व्यवसायी संघ इटहरीको पूर्वअध्यक्ष पनि हुन् ।
Discussion about this post