इटहरी : मोरङको सुन्दरहरैँचामा तीव्र गतिको टिपरले ठक्कर दिँदा मोटरसाइकल चालकको मृत्यु भएको छ ।
आइतबार दिउँसो पूर्व–पश्चिम राजमार्ग अन्तर्गत सुन्दरहरैँचा ४ मा पूर्वतर्फ जाँदै गरेको प्रदेश १–०२–००१ ख ८३३२ नम्बरको टिपरले पश्चिमतर्फ आउँदै गरेको को ३८ प ५९५० नम्बरको मोटरसाइकललाई ठक्कर दिँदा मोटरसाइकल चालकको मृत्यु भएको प्रहरीले जनाएको छ ।
मृत्यु हुनेमा मोटरसाइकल चालक सुन्दरहरैँचा ४ का २९ वर्षीय कुमार राई रहेका छन् ।
टिपर चालक इटहरी उपमहानगरपालिका १ का ३७ वर्षीय राजकुमार चौधरीलाई नियन्त्रणमा लिएर घटनाबारे थप अनुसन्धान भइरहेको प्रहरीले जनाएको छ ।
Discussion about this post