ओखलढुंगा : जिल्लाको मानेभञ्ज्याङ गाउँपालिका ३ स्थित पशुबगरनजिकै दूधकोशी नदी किनारमा एक युवाको शव फेला परेको छ । अन्दाजी ३५–४० वर्षीयाको पहिचान नखुलेको युवाको शव फेला परेको हो ।
दिउँसो युवाको शव फेला परेको जानकारी पाएपछि जिल्ला प्रहरी कार्यालय ओखलढुंगाबाट प्रहरी टोली त्यसतर्फ पुगेर प्रारम्भिक अनुसन्धान गर्दा ती युवाको ३–४ दिन अघि मृत्यु भएको हुनसक्ने जनाएको छ ।
मृतकको अनुहार कालो भएर सड्न लागेको र हातहरू चुँडिन लागेको अवस्थामा रहेको पाइएको जिल्ला प्रहरी कार्यालय ओखलढुंगाका प्रहरी नायव उपरीक्षक सुकदेव खनालले जानकारी दिएका छन् ।
Discussion about this post