सुन्दरहरैँचा : मोरङको सुन्दरहरैँचा नगरपालिका १० मा बसको ठक्करबाट बाबुको मृत्यु भएको छ भने छोरा घाइते भएका छन् ।
पूर्व क्षेत्रीय ट्राफिक प्रहरी कार्यालय इटहरीका अनुसार मृत्यु हुनेमा सुन्दरहरैँचा ६ का ६० वर्षीय उमाकान्त कोइराला रहेका छन्।
मे १ ख २२८३ नम्बरको बसले प्रदेश १-०२-०४३ प ३२४३ नम्बरको मोटरसाइकललाई बिहीबार दिउँसो ठक्कर दिँदा दुर्घटना भएको प्रहरीले जनाएको छ ।
दुर्घटनामा गम्भीर घाइते भएका उनको उपचारको क्रममा न्यूरो अस्पताल विराटनगरमा मृत्यु भएको प्रहरीले जनाएको छ।
मोटरसाइकल चालक उनका छोरा ३५ वर्षीय थमप्रसाद कोइराला घाइते भएका छन्। उनको सोही अस्पतालमा उपचार भइरहेको छ।
ठक्कर दिने बस र चालक बेलबारी नगरपालिका ११ का नरबहादुर मगरलाई इलाका प्रहरी कार्यालय बेलबारीले नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ ।
Discussion about this post