तरहरा : नेपाल रेडक्रस सोसाइटी हाँसपोसा उपशाखाद्वारा आयोजित रक्तदान कार्यक्रममा ४२ पिन्ट रगत संकलन भएको छ ।
मंगलबार इटहरी २० तरहराको सगरमाथा खेल मैदानमा आयोजित रक्तदान कार्यक्रममा ४२ पिन्ट रगत संकलन भएको हो ।
सभापति सुमन दाहालका अनुसार रेडक्रस दिवसको अवसर पारेर रक्तदान कार्यक्रमको आयोजना गरिएको हो ।
स्थानीय विभिन्न संघसंस्थाका प्रतिनिधि, विभिन्न विद्यालयबाट सहभागी विद्यार्थी तथा स्थानीयहरूको उपस्थितिमा रक्तदान कार्यक्रम आयोजना गरिएको उनले बताए ।
कार्यक्रममा नेपाल रेडक्रस सोसाइटी सुनसरीका सभापति उमेश थापा प्रमुख अतिथि थिए । उनले रेडक्रसले समाजमा समस्या परेको समयमा मानवीय हितमा काम गर्दै आएको बताए ।
Discussion about this post