इटहरी : इटहरी–धरान ६ लेन सडकखण्डस्थित पानीपियादेखि सेउती पुलसम्म अलपत्र रहेको सडकको काम एक साताभित्र सुरु नगरिए आन्दोलन सुरु गर्ने यातायात व्यवसायीहरूले चेतावनी दिएका छन् ।
सुनसरीकी प्रमुख जिल्ला अधिकारी हुमकला पाण्डेलाई ध्यानाकर्षण पत्र बुझाउँदै उनीहरूले भौतिक पूर्वाधार तथा यातायात मन्त्रालय, कोसी प्रदेशका मुख्यमन्त्री, राजमार्ग सुरक्षा तथा ट्राफिक प्रहरी, ६ लेन सडक निर्माण आयोजना प्रमुख धरान र इटहरी उपमहानगरपालिकासहितलाई चेतावनी दिएका हुन् ।
ध्यानाकर्षण पत्रमा रानी–विराटनगर ६ लेख सडकको तरहरास्थित पानीपियादेखि सेउती पुलसम्मको सडक नबन्दा महिनौँदेखि समस्या हुँदै आएको छ ।
ध्यानाकर्षण पत्रमा भनिएको छ ‘यदि उक्त सडक निर्माण कार्य आजको मितिले ७ दिनभित्र सुरु गरी आम नागरिकको आवत जावत सहज नबनाए बाध्य भइ उक्त क्षेत्रमा सडक अवरोध समेतका कार्यक्रमसहित चरणबद्ध आन्दोलन गर्न बाध्य हुने ब्यहोरा जानकारी गराउन चाहन्छौँ ।’
Discussion about this post