सुनसरीबाट गाँजा बोकेको ट्रक प्रहरीको नियन्त्रणमा

सुनसरी : सुनसरीको कोशी गाँउपालिका ७ हरिपुरबाट लागूऔषध गाँजा बोकेको ट्रक प्रहरीले नियन्त्रणमा लिएको छ ।

अस्थाई प्रहरी पोष्ट हरिपुरबाट चेकजाँचमा खटिएको प्रहरी टोलीले प्रदेश १-०२-००२ ख ०४१४ नम्बरको ट्रकलाई शंका लागेर चेकजाँच गर्दा उक्त ट्रकमा ११ वटा बोरामा तीन सय ४० केजी गाँजा बरामद गरेको हो ।

गाँजा बरामद भएसँगै ओसारपोसारमा संलग्न ट्रक चालक तत्काल फरार रहेकाले खोजी भइरहेको प्रहरीले जनाएको छ ।