इटहरी : विश्वका १० वटा अग्ला हिमालमध्ये नेपालमा आठवटा हिमाल छन् । जसमध्ये कोशी प्रदेशमा मात्रै तीनवटा हिमाल छन् । विश्वको सर्वोच्च शिखर सगरमाथासहित कञ्चनजङ्घा र मकालु हिमाल कोशी प्रदेशमै छन् ।
जसमध्ये कञ्चनजङ्घा हिमालको काखमा जनता बहुमुखी क्याम्पसको ब्यानर पु¥याइएको छ । गत असोज २८ गतेदेखि कात्तिक १० गतेसम्म कञ्चनजङ्घा हिमाल र कुम्भकर्ण हिमालको आधार शिविर भ्रमणमा रहेका अर्जुन उप्रेतीसहितको टिमले हिमालको काखमा जनता क्याम्पसको ब्यानर पु¥याएका हुन् ।
सोही क्याम्पसमा प्राध्यापन गराउँदै आएका उप्रेती र प्रदीप केसी लगायतको समूह भ्रमणमा रहेका थिए । भ्रमणको क्रममा ब्यानर पु¥याएको उप्रेतीले बताए ।
‘हिमालमा ब्यानर पु¥याउनुको अर्थ भनेको शैक्षिक गुणस्तर पनि त्यो उचाईमा पु¥याउनुपर्छ भन्ने हो,’ उप्रेतीले भने, ‘एकेडेमिक उचाई हिमालको शिरमा पु¥याउनुपर्छ भन्ने मिसन अन्तर्गत कञ्चनजङ्घा र कुम्भकर्ण हिमालमा हामीले क्याम्पसको ब्यानर पु¥याएर एउटा सन्देश दिएका हौँ ।’
जनता क्याम्पस क्यूएएबाट मान्यता प्राप्त भई सञ्चालन हुँदै आएको छ । उक्त क्याम्पस कोशी प्रदेशकै अब्बल क्याम्पसको रूपमा परिचित छ । कोशी प्रदेशका १४ वटै जिल्लासहित मधेस प्रदेश र बागमती प्रदेशका गरी २१ वटा जिल्लाका विद्यार्थीहरू उक्त क्याम्पसमा अध्ययन गर्दै आएका छन् ।
क्याम्पसमा अध्ययनरत विद्यार्थीहरूले उत्कृष्ट नतिजा प्राप्त गर्दै आएको छ भने क्याम्पसमा प्राध्यापन गर्ने अध्यापकहरू पि.एच.डि., एपमफिल डिग्री हासिल गरेरका दक्ष रहेको क्याम्पसको दाबी छ ।
खासगरी क्यूएए प्राप्त गरेपछि विश्वविद्यालय अनुदान आयोगलेसमेत स्थानीय पाठ्यक्रम बनाएर स्नातक तहमा अध्यापन गराउने अनुमति दिएको छ । तर, अहिलेसम्म जनता क्याम्पसले स्थानीय पाठ्यक्रम बनाउन सकेको छैन । अब हिमालबारेको (माउण्टेन टुरिजम) विषयको पाठ्यक्रम तयार गरेर दक्ष जनशक्ति उत्पादन गर्न सकिने बताउँछन्, उप्रेती ।
अग्रज पत्रकार, लेखक तथा अनुसन्धानमा दख्खल राख्ने उनले भने, ‘अब हामीले हिमालको हस्पिलाटी, माउन्टेन गाइड, पर्वतीय पर्यटन, हिमालय संस्कृति, सभ्यता, जैविक विविधता, वातावरण परिवर्तनलगायतका विषय समेटेर पाठ्यक्रम निर्माण गरी अध्यापन गराउन सक्नुपर्छ ।’
विश्वका पहिलो, तेस्रो र पाँचौ हिमाल कोशी प्रदेशमै रहेका कारण र पाँच हजार मिटरभन्दा माथिका दर्जन बढी हिमाल यही प्रदेशमा रहनुले पनि यसबारे पाठ्यक्रम तयार गर्नुपर्ने उनको तर्क छ । ‘यसबारे पाठ्यक्रम तयार पार्न जनता क्याम्पसले चाहेको अवस्थामा फरक विषय पढाउने र रोजगारीको सिर्जना गराउनेगरीको क्याम्पसले आफ्नै दक्ष जनशक्ति उत्पादन गर्न सक्छ ।’
उनकाअनुसार हिमालबारेको पाठ्यक्रम तयार भएर अध्ययन भएको अवस्थामा सम्भवतः प्रदेशमै पहिलोपटक हिमालबारेको पाठ्यक्रम अध्यापन हुनेछ । उक्त सन्देश दिनका लागि पनि हिमालको काखमा क्याम्पसको ब्यानर पु¥याएको उनी बताउँछन् ।
खासगरी उक्त क्षेत्रमा हिमाली उपत्यकासमेत रहेको उनले सुनाए । फरक प्रसङ्मा उनले कञ्चनजङ्घा जाने बाटोमै घुन्सा गाउँ आउने र त्यहाँ उत्पादन भएको गलैँचा अन्तराष्ट्रिय स्तरमै प्रख्यात रहेकोसमेत जनाए ।
हिउँचितुवा, रेडपाण्डा, नाउर संरक्षित क्षेत्र रहेको उक्त क्षेत्र एकपटक हरेक नेपालीले पुग्नैपर्ने र लोकप्रिय हिमाली गन्तव्यको रूपमासमेत परिचित हुँदै गएको उनको भनाइ छ ।
Discussion about this post