इटहरी : गत मङ्सिर २ गते इटहरी १२ स्थित खनार चौकमा भएको दुर्घटनामा बस आगजनी गर्ने तीन जनालाई प्रहरीले पक्राउ गरेको छ ।
मे १ ख ४५७४ नम्बरको बसको ठक्करबाट स्थानीय १३ वर्षीया सम्झना यादवको मृत्यु भएको थियो ।
इटहरीको जनता माविमा अध्ययनरत यादवको घर फर्किने क्रममा बसले ठक्कर दिदाँ घटनास्थलमै मृत्यु भएपछि आक्रोशित समूहले बममा आगजनी गरेका थिए ।
आगजनीबाट बस पूर्ण रुपमा जलेको थियो । घटना पश्चात् बममा आगजनी गर्ने १२ जना विरुद्ध प्रहरीले आपराधिक उपद्रव मुद्दा दर्ता गरेको थियो ।
आगजनी पछि फरार १२ जना मध्ये रिट्ठे भनिने शिवकुमार भुजेल, प्रदीप शर्मा लोहार र रामबाबु शर्मालाई इलाका प्रहरी कार्यालय इटहरीले पक्राउ गरेको हो ।
उनीहरू सबैको ठेगाना इटहरी १२ खनार रहेको छ ।
आगजनीमा संलग्न थप ९ जनाको खोजी भइरहेको इटहरी प्रहरीले जनाएको छ ।
Discussion about this post