इटहरीमा रहेको जनता बहुमुखी क्याम्पसका प्रध्यापक राजन भट्टराईले गत साता सोही क्याम्पसमा अध्यापन गराउने कृष्णकला राईलाई फोनमार्फत गरेको अश्लील शब्दले आँफूहरुको ध्यानाकर्षण भएको र दोषीलाई कारबाही हुनुपर्ने विद्यार्थी संगठनहरुले माग गर्दै आएपनि त्यसको सुनुवाई नभएको भन्दै चेतावनी दिएका छन् ।
दोषीलाई कारबाही नभएको भन्दै संगठनहरुले तत्काल दोषीलाई कारबाही गर्न माग गर्दै आएका छन् ।
जनता बहुमुखी क्याम्पसका सबै संगठनहरुले संयुक्त विज्ञप्ती जारी गर्दै विद्यार्थीहरुको भावना बिपरीत कदम चाल्ने छुट कसैलाइ पनि नभएको बताएका छन् ।
नेविसंघ सभापति सहदेव काफ्ले, अनेरास्ववियू अध्यक्ष किरण बिष्ट, समाजबादी विद्यार्थी फोरम अध्यक्ष चन्द्र किराँती, नयाँ शक्ति विद्यार्थीका अध्यक्ष प्रबिन दाहाल, राप्रविसं अध्यक्ष रमेश बजगाईँ र अखिल क्रान्तिकारीका कार्यवाहक सचिव अर्जुन पौडेलले संयुक्त विज्ञप्ती जारी गरेका छन् ।
विज्ञप्तीमा भनिएको छ – ‘हजारौं विद्यार्थीहरुको नेतृत्व गर्ने विद्यार्थी संघ संगठनहरुले क्याम्पसको पक्षमा आवाज उठाउँदा क्याम्पस संचालक समिति मुकदर्शक बनेर बस्नु निन्दनीय छ। विद्यार्थी संघ संगठन संग गैरजिम्मेवार तरिकाले प्रस्तुत हुन खोजेको हाम्रो ठहर छ।
आम विद्यार्थी र अभिभावकको मानसपटलमा नकारात्मक छाप पर्ने गरि क्याम्पसको गरिमा माथी नै प्रश्न चिह्न खडा हुने तरिकाले केही दिन अगाडि प्राध्यापक राजन भट्टराई र कृष्णकला राई बीच भएको अमर्यादित अडियो प्रकरण विभिन्न मिडिया र सामाजिक सञ्जालमा सार्वजनिक भएपछि विद्यार्थी संघ संगठनको तर्फबाट सो बिषयमा गम्भीर आपत्ति जनाउदै सत्यतथ्य छानबिन गरि दोषी उपर कडा कारबाही गर्न क्याम्पस संचालक समिति, क्याम्पस प्रशासन, पब्लिक प्राध्यापक संघ, प्रगतिशील प्राध्यापक संघ र प्रजातान्त्रिक प्राध्यापक संघको ध्यानाकर्षण गराइएको भएता पनि क्याम्पस संचालक समितिले यो बिषयमा कुनै चासो देखाएको छैन ।
त्रिशुल छापे साँढे जस्तो हुँ भन्ने अहम्ता र घमण्डले हुन सक्छ विद्यार्थी संघ संगठनहरुसंग छलफल संवाद गर्न नचाहेको, हामी आग्रह गर्न चाहान्छौ।’
प्रध्यापक भट्टराईले २८ श्रावणमा मदिरापान सेवन गरी फोनमार्फत दुव्र्यवहार गरेका थिए ।
यो पनि – इटहरीको एक क्याम्पसका प्रध्यापकले गरे दुव्र्यवहार (अडियोसहित)
Discussion about this post