धरान : धरानमा छुरा प्रहार गरी एक युवकको हत्या भएको छ ।
आइतबार दिउँसो धरान उपमहानगरपालिका–१० बेलगाछी लाइन निवासी २७ वर्षीय जीवन भुजेलको हत्या भएको हो ।
भुजेलमाथि दिउँसो करिब १ः४५ बजे छुरा प्रहार भएको थियो ।
सुनसरी प्रहरीका प्रवक्ता, डीएसपी चन्द्रबहादुर खड्काका अनुसार स्थानीय युवाबीच भएको आपसी विवादका क्रममा भुजेलमाथि आक्रमण भएको प्रारम्भिक अनुसन्धानबाट खुलेको छ । छुरा प्रहारबाट उनको दायाँ कुममा गम्भीर चोट लागेको थियो ।
गम्भीर घाइते र्भका उनको उपचारका क्रममा मृत्यु भएको प्रहरीको भनाइ छ ।
प्रहरीका अनुसार घटनामा संलग्न धरान–१९ निवासी अन्दाजी २८ वर्षीय अर्जुन विश्वकर्मा फरार भएका छन् । उनको खोजी कार्य भइरहेको प्रहरीको भनाइ छ ।
Discussion about this post