इटहरी २० तरहराकी दीपा राईको मृत्यु भएको ४ दिनपछि आज शवको पोष्टमार्टम गरिएको छ ।
विजयपुर हस्पिटल र मृतक पक्षबीच सहमति भएपछि उनको आज पोष्टमार्टम भएको हो । माघ ४ गते भर्ना गरेर मृतक राईको पत्थरीको अप्रेसन गरिएको थियो । अप्रेसन पछि अब्जरवेसनमा राखिएकी राईको रक्तस्राव भइरहेको उनका श्रीमानको जाहेरीमा उल्लेख गरेका छन् ।
मृतकका आफन्तले हिजो दिनभर न्यायको माग गर्दै हस्पिटल अगाडि धर्ना दिएका थिए । हस्पिटल प्रशासन र मृतक पक्षबीच हिजो नै समझदारी बनेको थियो । उक्त समझदारीलाई आज अन्तिम रुप दिइएको तरहराका केके राईले जानकारी दिए ।
मृतकका श्रीमानले अप्रेसन गर्ने डाक्टर गजेन्द्रप्रसाद दासविरुद्ध प्रहरीमा उजुरी दर्ता गरिसकेको कारण सहमति लिखित नभएको हो ।
सहमति अनुसार मृतक राईको १५ महिनाको छोरीलाई स्नातक तहसम्मको शिक्षाको जिम्मेवारी हस्पिटलले लिनेछ भने हस्पिटल रहेसम्म स्वास्थ्य उपचार पनि दिनेछ । हस्पिटल सञ्चालकले मानवीयता पक्षलाई हेरेर छोरीको शिक्षा र स्वास्थ्यमा सहयोग गर्ने सहमति जनाएको बताइएको छ ।
यो पनि – तरहराकी दीपा राई मृत्यु प्रकरण : विजयपुर हस्पिटल अगाडि प्रहरीको सुरक्षा
यो पनि – तरहराका एकै घरका दाजु बहिनीको एकैदिन मृत्यु
Discussion about this post