तरहरा : इटहरी उपमहानगरपालिका २० तरहराबाट एकैरात दुईवटा मोटरसाइकल चोरी भएको छ ।
तरहराको पुष्पलाल टोल र धनपुरी–जागरण टोलबाट गएराति दुईवटा मोटरसाइकल चोरी भएको हो ।
स्थानीय सुमन रेग्मीको प्रदेश १–०२–४५ प १०० नम्बरको पल्सर (रातो कालो) मोटरसाइकल र स्थानीय सुमन दाहालको प्रदेश १–०२–४५ प ३६८३ नम्बरको (एफजेठ) मोटरसाइकल चोरी भएको हो ।
राति ११ बजेदेखि २ बजेको समयमा मोटरसाइकल चोरी भएको प्रारम्भिक अनुमान गरिएकाले खोजी तीव्र पारिएको इटहरी प्रहरीले जनाएको छ ।
इलाका प्रहरी कार्यालय इटहरीका प्रहरी नायब उपरीक्षक (डीएसपी) खगेन्द्रबहादुर खड्काका अनुसार आइतबार (हिजो) मात्रै मोटरसाइकल चोरी गर्ने चारजनालाई प्रहरीले पक्राउ गरेको छ ।
उनीहरूलाई सोमबार (आज) पत्रकार सम्मेलन गरी सार्वजनिक गरिने डीएसपी खड्काले बताए । ‘हिजो मात्रै चारजनालाई मोटरसाइकलसहित पक्राउ गरेका छौँ,’ उनले भने, ‘आज सार्वजनिक गर्ने तयारी छ ।’
Discussion about this post